Улаанбаатар хотын Захирагчийн ажлын албанаас нийслэлд энэ онд хэрэгжих инженерийн шугам сүлжээ, автозам, тохижилтын ажлын нэгдсэн төлөвлөгөөг гаргалаа. Улс, нийслэл, дүүргийн орон нутгийн хөгжлийн сан, инженер хангамжийн байгууллагуудын өөрийн болон урсгал зардал, замын сан, Азийн хөгжлийн банк, Хөгжлийн банкны санхүүжилтээр Улаанбаатар хотын 9 дүүрэг, инженер хангамжийн байгууллагуудын нийт 1153 төсөл арга хэмжээ нэгтгэсэн. Ингэснээр нийслэлийн хэмжээнд нийт 1153 нэр төрлийн барилга байгууламж дэд бүтэц тохижилтын ажил хийхээр төлөвлөж төсөв хөрөнгийг нь шийдвэрлэхээр ажиллаж байгаа юм. Үүнээс давхардсан тоогоор 70 орчим байршилд 150 төсөл арга хэмжээний ажлыг уялдуулан ажиллуулах шаардлагатай байна. Нийслэлийн Засаг даргын А/34 тоот захирамжаар байгуулагдсан Улаанбаатар хотод 2015 онд хэрэгжүүлэх хөрөнгө оруулалт, бүтээн байгуулалт, төсөл хөтөлбөрүүд логистик үйлчилгээнүүдийг уялдуулан, шуурхай зохион байгуулж бэлтгэл хангуулах чиг үүрэг бүхий ажлын хэсгийн хуралдаанаас дулааны төв шугамын нягтын шахалт, их засвар шинэчлэлийн ажилтай уялдуулан Улаанбаатар хотын хэрэглэгчдийг халуун усаар бүсчлэн хязгаарлах төлөвлөгөөг нарийвчлан боловсруулж баталсан.
Цэвэр бохир усны шугам 30 байршилд, орон сууцны хороолол дотор 27 байршилд инженерийн шугам сүлжээ, авто зам 28 байршилд, замын засвар арчлалт 153 байршил гудамж талбайд, дулааны шугам 23 байршилд, ногоон байгууламж 92 гудамжинд, үерийн далан сувгийн арчлалт 24байршилд, холбооны шугам 30 байршилд, цахилгаан хангамжийн шугам 22 байршилд, хяналтын камер, гэрлэн дохио 28 байршилд хийхээр төлөвлөж байна.
БАРИЛГЫН ЗАСАЛ ЧИМЭГЛЭЛ
- Интерьер
Ямарваа нэгэн /интерьер дизайн/ орон зайн загвар бүтээхэд тухайн орон зайн зориулалт болон зорилго, мөн ямар хүн хэрэглэх талаар бодолцож үзэх хэрэгтэй юм. Бидний энэ практик туршлагаас гадна орон зайн төгс загвар гаргахад дараах хүчин зүйлсийг анхаарах хэрэгтэй.
– Гэрэлтүүлэг
– Орон зайн мэдрэмж
– Чимээ
– Өнгө
– Үнэр
Хүрээлэн буй орчин хүмүүсийн мэдрэмж, ямар нэгэн зүйлд хариу үйлдэл хийхэд чухал нөлөө үзүүлдэг. Тиймээс өөрсдийгөө тухгүй, ядарсан, гунигтай мэдрэмж төрүүлэхээс сэргийлэн интерьер дизайн буюу орон зайн дотор засал чимэглэлд анхаарч хүний зан байдалд эерэг нөлөө үзүүлэх орчинг бүрдүүлэх хэрэгтэй юм.
Барилга МН